| Haggai, Cabdil 2 | Haggai, Chapter 2 | ||||
|---|---|---|---|---|---|
| 1 | Ayns y chiaghtoo vee, er yn un laa as feed jeh'n vee, haink goo yn Chiarn liorish y phadeyr Haggai, gra, | In the seventh month, in the one and twentieth day of the month, came the word of the Lord by the prophet Haggai, saying, | |||
| 2 | Loayr nish rish Zerubbabel, mac Shealtiel, kiannoort Yudah, as rish Joshua, mac Yosedech, yn ard-saggyrt, as rish yn chooid elley jeh'n pobble, gra, | Speak now to Zerubbabel the son of Shealtiel, governor of Judah, and to Joshua the son of Josedech, the high priest, and to the residue of the people, saying, | |||
| 3 | Quoi ta faagit ny mast' eu honnick yn thie shoh ayns e chied ghloyr? as kys ta shiu fakin nish? nagh vel eh ayns ny sooillyn euish ayns co-soylaghey rish, myr red gyn-veg? | Who is left among you that saw this house in her first glory? and how do ye see it now? is it not in your eyes in comparison of it as nothing? | |||
| 4 | As nish, bee uss dunnal, O Zerubbabel, ta'n Chiarn dy ghra, as bee uss dunnal, O Yoshua, mac Yosedech, yn ard-saggyrt, as bee-jee dunnal, ooilley shiuish phobble y cheer, ta'n Chiarn dy ghra, as lhie-jee rish yn obbyr: son ta mish meriu, ta Chiarn ny flaunyssee dy ghra. | Yet now be strong, O Zerubbabel, saith the Lord; and be strong, O Joshua, son of Josedech, the high priest; and be strong, all ye people of the land, saith the Lord, and work: for I am with you, saith the Lord of hosts: | |||
| 5 | Rere bree yn chonaant ren mish riu, tra haink shiu magh ass Egypt, myr shen ta my spyrryd tannaghtyn ny mast' eu: ny gow-jee aggle. | According to the word that I covenanted with you when ye came out of Egypt, so my spirit remaineth among you: fear ye not. | |||
| 6 | Son shoh myr ta Chiarn ny flaunyssee dy ghra, Foast yn un cheayrt shoh, as cha vel shen agh son tammylt, dy jean-yms craa ny niaughyn, as y thalloo, as y faarkey, as y thalloo chirrym: | For thus saith the Lord of hosts; Yet once, it is a little while, and I will shake the heavens, and the earth, and the sea, and the dry land; | |||
| 7 | As neem's craa dy chooilley ashoon, as nee yeearree dy chooilley ashoon cheet, as lhieen-yms y thie shoh lesh gloyr, ta Chiarn ny flaunyssee dy ghra. | And I will shake all nations, and the desire of all nations shall come: and I will fill this house with glory, saith the Lord of hosts. | |||
| 8 | Lhiam's yn argid, as lhiam's yn airh, ta Chiarn ny flaunyssee dy ghra. | The silver is mine, and the gold is mine, saith the Lord of hosts. | |||
| 9 | Bee gloyr y thie s'jerree shoh ny smoo na gloyr yn chied thie, ta Chiarn ny flaunyssee dy ghra: as ayns yn ynnyd shoh ver-yms shee, ta Chiarn ny flaunyssee dy ghra. | The glory of this latter house shall be greater than of the former, saith the Lord of hosts: and in this place will I give peace, saith the Lord of hosts. | |||
| 10 | Ayns y chiarroo laa as feed jeh'n nuyoo vee, ayns y nah vleïn jeh reill Darius, haink goo yn Chiarn liorish Haggai yn phadeyr, gra, | In the four and twentieth day of the ninth month, in the second year of Darius, came the word of the Lord by Haggai the prophet, saying, | |||
| 11 | Shoh myr ta Chiarn ny flaunyssee dy ghra, Jean briaght nish jeh ny saggyrtyn mychione y leigh, gra, | Thus saith the Lord of hosts; Ask now the priests concerning the law, saying, | |||
| 12 | My nee peccagh erbee cur lesh feill chasherick ayns rumbyl e gharmad, as e eaddagh dy ventyn rish arran, ny poddash, ny feeyn, ny ooil, ny bee erbee, bee ad casherick? As dansoor ny saggyrtyn, as dooyrt ad, Cha bee ad. | If one bear holy flesh in the skirt of his garment, and with his skirt do touch bread, or pottage, or wine, or oil, or any meat, shall it be holy? And the priests answered and said, No. | |||
| 13 | Eisht dooyrt Haggai, My nee fer ta neu-ghlen liorish corp marroo bentyn rish veg jeh ny reddyn shoh, bee shen neu-ghlen? As dansoor ny saggyrtyn, as dooyrt ad, Bee eh neu-ghlen. | Then said Haggai, If one that is unclean by a dead body touch any of these, shall it be unclean? And the priests answered and said, It shall be unclean. | |||
| 14 | Eisht dreggyr Haggai, as dooyrt eh, Shen myr ta'n pobble shoh, as shen myr ta'n ashoon shoh roym's, ta'n Chiarn dy ghra; as shen myr ta ooilley obbyr nyn laueyn, as cre-erbee t'ad dy hebbal ayns shen, te neu-ghlen. | Then answered Haggai, and said, So is this people, and so is this nation before me, saith the Lord; and so is every work of their hands; and that which they offer there is unclean. | |||
| 15 | As nish, ta mee guee erriu, smooinee-jee veih'n laa jiu, as roish shoh, my va clagh currit er clagh elley ayns chiamble y Chiarn. | And now, I pray you, consider from this day and upward, from before a stone was laid upon a stone in the temple of the Lord: | |||
| 16 | Neayr ny laghyn shen, tra haink fer gys dash-arroo jerkal rish feed tubbag, cha row echey agh jeih: tra haink fer gys y doagh-feeyney, dy lhiggey jeih siyn as da-eed, cha row echey agh feed. | Since those days were, when one came to an heap of twenty measures, there were but ten: when one came to the pressfat for to draw out fifty vessels out of the press, there were but twenty. | |||
| 17 | Ren mee shiu y woalley lesh fowan, as lesh mill-chea, as lesh claghyn-sniaghtee ayns ooilley obbyr nyn laueyn, ny-yeih cha ren shiu chyndaa hym's, ta'n Chiarn dy ghra. | I smote you with blasting and with mildew and with hail in all the labours of your hands; yet ye turned not to me, saith the Lord. | |||
| 18 | Agh smooinee-jee nish veih'n laa shen as maghey shen, veih'n chiarroo laa as feed jeh'n nah vee, eer voish y laa va undin chiamble y Chiarn soit, smooinee-jee er. | Consider now from this day and upward, from the four and twentieth day of the ninth month, even from the day that the foundation of the Lord's temple was laid, consider it. | |||
| 19 | Vel yn arroo foast ayns y toalt? dy jarroo cha vel y billey-feeyney, ny yn billey-figgagh, ny yn pomegranate, ny yn billey-olive foast er n'ymmyrkey nyn mess: veih'n laa shen neem's shiu y vannaghey. | Is the seed yet in the barn? yea, as yet the vine, and the fig tree, and the pomegranate, and the olive tree, hath not brought forth: from this day will I bless you. | |||
| 20 | As reesht haink goo yn Chiarn gys Haggai er y chiarroo laa as feed jeh'n vee, gra, | And again the word of the Lord came unto Haggai in the four and twentieth day of the month, saying, | |||
| 21 | Loayr rish Zerubbabel kiannoort Yudah, gra, Neem's craa ny niaughyn as y thalloo; | Speak to Zerubbabel, governor of Judah, saying, I will shake the heavens and the earth; | |||
| 22 | As tilg-ym bun-ry-skyn stoyl-reeoil reeriaghtyn, as stroie-yms niart reeriaghtyn ny ashoonee, as tilg-ym bun-ry-skyn ny fainee, as adsyn ta markiaght ayndoo, as hig ny cabbil as ny markee gys y thalloo, dy chooilley unnane liorish cliwe e vraar. | And I will overthrow the throne of kingdoms, and I will destroy the strength of the kingdoms of the heathen; and I will overthrow the chariots, and those that ride in them; and the horses and their riders shall come down, every one by the sword of his brother. | |||
| 23 | Ayns y laa shen, ta Chiarn ny flaunyssee dy ghra, goym uss, O Zerubbabel, my harvaant, mac Shealtiel, ta'n Chiarn dy ghra, as nee'm oo myr cowrey: son ta mee er dty reih, ta Chiarn ny flaunyssee dy ghra. | In that day, saith the Lord of hosts, will I take thee, O Zerubbabel, my servant, the son of Shealtiel, saith the Lord, and will make thee as a signet: for I have chosen thee, saith the Lord of hosts. |